الحزب الملكى الدستورى
عزيزى الزائر
أنت غير مسجل سارع بالتسجيل لتكون عضوا ملكياً

الحزب الملكى الدستورى

The party constitutional monarchy of Egypt
 
دخولالبوابةمكتبة الصورس .و .جالتسجيلالرئيسية
المواضيع الأخيرة
» نموذج الإنضمام للحزب الملكى الدستورى
الأحد 11 مايو 2014, 9:44 am من طرف رئيس الديوان

» الصحافة فى العهد الملكى
الخميس 17 أبريل 2014, 11:07 pm من طرف رئيس الديوان

» رحيل الملك فاروف الأول
الخميس 17 أبريل 2014, 11:01 pm من طرف رئيس الديوان

» الملكة نـــاريمـــــان
الخميس 17 أبريل 2014, 10:59 pm من طرف رئيس الديوان

» الملك فاروق والملكة ناريمان
الخميس 17 أبريل 2014, 10:57 pm من طرف رئيس الديوان

» فاروق وناريمان
الخميس 17 أبريل 2014, 10:56 pm من طرف رئيس الديوان

» فاروق وفريدة
الخميس 17 أبريل 2014, 10:52 pm من طرف رئيس الديوان

» المطابخ الملكية
الخميس 17 أبريل 2014, 10:49 pm من طرف رئيس الديوان

» سرفيس الملك
الخميس 17 أبريل 2014, 10:48 pm من طرف رئيس الديوان

احصائيات
هذا المنتدى يتوفر على 395 عُضو.
آخر عُضو مُسجل هو همس الكلام فمرحباً به.

أعضاؤنا قدموا 2006 مساهمة في هذا المنتدى في 512 موضوع
الزوار الملكيين
free counters

شاطر | 
 

 الخواجه لامبو - الابنودى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
islam20209
نائب رئيس الديوان
نائب رئيس الديوان
avatar

الميزان عدد الرسائل : 438
الموقع : مدينه المنصوره
المزاج : الحمد لله
تاريخ التسجيل : 06/07/2009

مُساهمةموضوع: الخواجه لامبو - الابنودى   السبت 25 يوليو 2009, 5:57 am

الخواجة لامبو العجوز



مات في اسبانيا
لشاعر العامية المصري
عبد الرحمن الأبنودي
الضباب كان بات ليلتها ع القزاز
كانت القرية اللي مات فيها الخواجة لامبو
نايمة ع الجليد..
في الصباح
اتحركت جوه المطابخ الصحون والخدامات
وابتدا الدق ف محلات الحديد ..
والمكاكية ف حظاير الدواجن ..
لبست الاطفال في ايد الامهات في غير عناد ..
«النهار ده عيد يا كاسبر
لما سمعت ندهة الديك من بعيد ..
ضحكت البنت اللي واقفة تشد في حبال الجرس جوه الكنيسة..
طالع القسيس سعيد..
بإيدو ينفض عبايتو م الجليد
كل اسبانيا بتصحى
عيد ... وعادي .. والجديد
الخواجة لامبو مات
كانت القرية الي دايسه عليها اسبانيا .. ضلام من غير عيون..
فلاحين فقرا .. بلا غيط .. او كانون ..
اسبانيين بس في شهادة الميلاد ..
يندغوا الاحزان مع كاس النبيت ..
انما ..
كان فيه كمان ناس اغنيا ..
ليهم بيوت ..ليها سقوف طايلة السما..
ممتلية باللي اسبانيا فراغ منو .. ولامبو
لامبو .. كان شاعر مغني
يمشى والجيتار عشيقتو
يلمسو ..
يملا ليل اسبانيا بفصوص الاماني والاغاني البرتقاني ...
عمو لامبو قضى عمرو في الحارات والخمارات ..
كان يغني للعيال المقروضين ..
كان يغني للارامل ..
والغلابا ...
والسكارى ..
السكارى اللي يعودوا من جحيم الحر .. في المنجم
السكارى اللي المحاجر حولتهم زيها
أزمة وحجارة ..
الجيتار يعشق زحام الاسطوات ..
والاغاني بتتولد في الغلبانين والغلبانات ..
عمو لامبو
قضي عمرو في الحارات والخمارات ..
كان يحب الشمس ..
والناس ..
والغيطان ..
والجيتار ..
وقطتو ..
أول الناس اللي تحفظ غنوتو ..
كان يغني بألف صوت ...
يا قمر يابو عمر لسه
العباد ع الحانة كابسة..
عاوزه تنسي ..عاوزه تنسي ...
والغناي لو يسكروا
يبقى لجل يفكروا..
يسرقوا م المسروقين ؟؟...
وجيتارو .. كان عجوز زيو تمام..
انما .. لُه في الكلام ..
لامبو ما كان لوش سكن..
والحياة في قريتو مالهاش تمن..
قلب اسبانيا برونز..
قلب اسبانيا صفيح..
قلب اسبانيا عطن..
برد اسبانيا مراكب اترمت فيها القلوع..
واقفة في شطوط الزمن..
كل أطفال البلد كانت تحبو
كلهم كانوا في يوم كورس للامبو
فوق جبينو...
قريتو ..كانت بترمي ضل اسبانيا الغميق..
وشو كان وش البلد
تبتسم .. يضحكلها...
تزعل القرية ..اساه يصبغ خصار ورق الشجر
كان له قطة يعزها
واما كان البرد مرة يغزها ..
لامبو يضحك لما يرفعها ف ايديه .. ويهزها ..
ايه يا قطة ؟
يعني عيطنا أهه ..
انزلي ..
اجرى ..
حلاوتك ..يلا بينا ع العمل
ياغلابا ...
سيروا في الارض العريضة ....
والسعوا النسمة بطواحين الهوا ...
فيه في قلب الظلم حتة نجمة بيضا ..
العمل مش حاجة ضايعة في الهوا..
برد اسبانيا استوى ...
لامبو كان نشوان وكل ما فيه مغني..
وجيتارو بين ايديه..
والعباد.. منتورة زي الفحم لاسمر حواليه
الشاويش دخل عليه..
ايه يا اسبانيا يا بطن مافيهش عيش
هس.. بس
الضلام اللي في اسبانيا ظهر..
برم شنابات الشاويش
الشاويش صرخ في لامبو


يتبع



[b][b]لامبو خبى غنوتو الحمراء في عبو..
بس ما رضيش بيجي جنبووالفانوس اللي في سقف الحارة متعلق رعَش الشاويش صرخ بقلبوقلبو شايل كل دوسيهات الحكومة لامبو ممنوع من اغاني الفقراغنى غير ده
..
الحكومة مش حمارة لامبو بص علي السكاري
.
البرودة اللي في إيديهم جمدت كأس النبيت لامبودمَّع الحياة .. عايزة جسارة
..
والخلايق عاوزةابطالها يكون فيها جدارة
..
عايزه ابطالها في عز البرد مشحونة حرارة الجيتارة.. واخده ع اللحن النضيف الجيتارة
..
برضو بتنام ع الرصيف برضو بتموت زيي علشان الرغيف بس ليل اسبانيا في الزنزانة له شكلو المخيف
..
والبلاط.. والسقعة.. والعود النحيف
..
لا ما غنيش للفقير .. والسجن لا
..
لا أغني
..
لأ ما غنيش
..
بس انا راجل شريف ايه يا اسبانيا يا سجن في كأس نبيت
...
آه.. وآه
...
لامبو من يومها وقولة آه .. غناه قريتو لمتها آه
..
آه.. وآه.. والناس ترد الآهة آه
..
الكفاح الحي اصبح آه.. وآه
..
ع الكفاح لو يتقلب علي شكل آه
..
والنهار ده لامبو مات
..
قتلو ليل اسبانيا في الليل ع الرصيف ..قتلتو الآه
..
قتلتو في الحانة شنبات الشاويش
..
قتلتو الناس اللي غرقانة بهمومها في النبيت
..
قتلتو الدوسيهات في دواليب الحكومة
..
قتلو الطفل اللي مش لاقي الفطار طلعت الناس النهار ده للكنيسةلقوه جنب الجدار
..
قطتو جنب الجيتار
..
قاعدة مش شايفة النهار
..
في انتظار الليل... واسبانيا.. وشنابات الشاويش لامبو مات
.
لامبو؟؟يا عيني.. وتبكي الطفلتين يمسحوا دموعهم في ايد الامهات في المناديل الجديدةآخر الرحلة تموت يا لامبوعلى طرف الرصيف
.
وانت لو جالك فقير
..
كنت تشوي قلبك الطيب تحطولو في رغيف؟؟
!
قطتو توطي عشان دمعتها ما تعملش ع الاسفلت صوت
..
لامبو مات توصل الناس م الشوارع.. يا سلام ده أنا سايبو وهو راجع؟ يا سلام يدمعوا
..
يرسموا فوق الصدور علامات صليب والجرس يتلوي في حبال الكنيسةكان حزين .. حزين .. حزين قتلو الحزن يفرش و فوقو الجرايد يركعوا الاطفال يرصو حوالين جسمو الورود والدموع .. غيمة في عيون الوجود يا حبيبي يا عمو لامبو
..
روحي يا ماما الكنيسة وسيبيني قاعدة جنبويا حبيب ييا عم لامبوامها تبكي وتاخذها من ايديها مات شهيد مات شهيد الليل في اسبانيا السجينة مات .. وكان عاوز يعيش غير شئ بس الظلم برَّم لو شنابات الشاويش الوداع يا عمو لامبوالوداع يا قطتو المرمية جنبوالوداع عربية الاغراب شالوه زي الهوا الوداع دق الجرس فوق الكنيسة غنت الناس غنوتوالضباب عمال يضيع لجل يدي فرصة للشمس اللي حتزورالربيع

القاهرة «1964م
[/b]



[/b]
الرجوع الى أعلى الصفحة اذهب الى الأسفل
 
الخواجه لامبو - الابنودى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الحزب الملكى الدستورى :: المنتديات الادبيه :: الشعر والأدب والخواطر-
انتقل الى: